姊妹裙のBooking

關於姊妹裙, 我都做咗啲research, 睇下大家comments同經驗, 都希望揀到間好...
去過金都同百利, 覺得百利啲姊妹裙集中過金都...
約姊妹睇裙之前, 親身去百利行一轉...
有幾間睇落都ok, 會列入考慮範圍:

• fanny couture (價錢合理, 有幾多款式)


• Desiree Wedding (價錢合理, 有外國款式)


• Mes Bridal (價錢平, 都有好多Blogger試過, 店主自己婚禮都係自己做裙)


• 豪門 (價錢ok, 款式比較特別...)

約定姊妹睇衫後, 打電話去約其中一間...
約咗星期六下午, 到達等多15分鐘, 都無人影....
打去問, 佢話以為係星期日, 要我地等多1個鐘至個半鐘...或者叫我地行一陣先...
咩話??? 咁都得?? 一早打電話約就係想少啲人 ,可以方便姊妹睇裙.
無法, 唯有行下再睇下....

於是行下睇下, 去到一間叫Rarita, 啲姊妹睇落話幾好...
就揀呀揀, 店員姐姐都介紹下唔同既款式俾我地...
宴會場地以米白同紫色為主, 所以都focus睇白色, 香檳金, 紫色等等...

有件香檳金小"心型"胸都幾靚, 我表妹著咗好cute...
仲有件係紫色上身加米白色連身裙, 簡簡單單, 有個蝴蝶結....
姊妹們好似對紫色米白色連身裙好有興趣, 可能覺得特別啲同sharp啲...
之於伴娘, 點好呢? 米白色? 好似唔夠突出...都係用返紫色...
左睇右睇, 左拼右拼, 大家都認為可以用全紫色, 比姊妹裙sharp啲既紫,
再加條銀色腰帶, 都會特別....
大家既提議都幾好, 伴娘都話好, 就咁決定, 到時希望佢做得好睇...

大約1個至個半月起貨, 10月初可以去試衫(包一次改衫),
如果有修改, 約一星期左右...

PS:
完成之後, 我地去咗附近行下...
突然收到佢地電話, 話我地係唔係留咗iphone??
咦? 咁大獲? 有個姊妹話係呀, 係我既itouch呀!
於是立即返去拿, 店員姐姐好誠實, 雖然未知啲裙做得好唔好, 但佢地俾咗我一個好好既印象...