8月中終於去咗試衫...仲以為佢地會打電話俾我...
原來要自己約
各位準新娘子, 最好婚前6個月左右要去試啦!!
結婚當日, 西式禮服當中最重要既當然係婚紗啦!
試咗好幾套...都幾仲意...不過完全唔同style...
最後揀咗呢套...
之於晚裝, 有分迎賓, 敬酒, 同送客...就揀咗呢幾件...
綠色: Gar仔仲意綠色, 我覺得花咗啲
紅色: 兩位母親大人仲意紅色, 佢地話我親到大紅, 就呢件...(無得揀...
紫色: 自己仲意紫色, 唯一一套貼身少少...
以下係我喺電腦揀咗, 但無入圍...
場地佈置方面, 我地book咗個間酒樓其實都唔使點準備,
除非有好特別嘅要求, 基本上佢地嘅佈置都ok...
至於行禮教堂, 就真係要諗下點攪...
其實金都, 百利, 都有好多幫人佈置嘅公司...但都幾貴...
加上大日子當日教會早上仍然有崇拜, 最快要下午2:30先可以交場...
但我都唔想太遲開始, 所以佈置時間唔多, 簡簡單單佈置一下就可以.
於是問就咗有個姊妹上次結婚嘅佈置, 係絲花DIY..
睇咗佢地個網頁, 原來佢地曾經有好多人租過, 有好多佈置嘅相可以參考...
setup方法簡單, 價錢合理, 不過攞貨時就幾遠, 唔係太識路...
於是打電話去查詢有無期
睇過網頁嘅佈置, 大約會用粉紅色package,
包括行禮用花球(另加銀鏈裝飾), 接待處, 油畫佈置,
另外加埋小花鐘一對放在進場位...
網主俾我嘅感覺好nice, 問咗好多問題佢都有覆我, 仲圖文並茂加以解釋...
希望當日可以喺短時間內就完成setup, 要拜託一班小組弟兄姊妹啦!!
法式粉紅佈置
進場位既"小花鐘", 呢個就係我行禮既教堂啦!!
油畫佈置
(所有圖片出自Alu Deco相簿
http://picasaweb.google.com.hk/deco.alu/ALuDeco#)
結婚花球係每個新娘子不可或缺的, 用來配襯裙褂, 婚紗, 晚裝...
除非有好仲意既花, 如果唔係, 有時真係諗到頭痛,
終於明白咩叫"花多眼亂"...
之前影pre-wedding時去過金都同花墟睇過...究竟買鮮花定絲花好?
當然想買鮮花, 始終比較靚, 但真係好貴...
所以最後決定影相用絲花, 結婚當日用鮮花...
絲花係喺金都Grand Forest訂做的,
之前喺第二度睇咗有個鮮花球好靚, 白加紅玫瑰...
於是影咗相叫佢地幫手做...訂做都唔平, 比想像中貴,
但當時距離影婚紗仲有唔多時間, 所以都要做...
出黎個效果唔係好似原先想要的, 不過始終唔係鮮花, 但表妹都話幾好...^^
影咗婚紗相出黎個樣都ok...
至於大日子, 上網research咗好多間, 但鮮花球加襟花真係好貴...
睇咗有:
Agnes b Fleuriste
好多人都話佢地d啲花好靚, 雜誌都有介紹.
網頁唔多花款, 而且真係好貴, 雖然好出名, 但都係放棄...
FarEastFlora
上次花墟睇花黎過去, 花款幾多, 價錢都還可接受...
睇埋網頁先知佢都幾出名, 可以考慮...
秋子花藝
網上評語都幾好, 花夠新鮮, 價錢都ok...
上去佢地個網頁見花款多, 但個人覺得唔夠清楚, 如果可以放大啲圖會好啲...
但未有時間去店舖睇...
Rhythm Wedding
網上評語幾好, 主要賣絲花球, 因為網主所買的都係為咗練習用.
佢亦有鮮花球, 價錢都相對平, 只收花材價錢...
鮮花球每次都會係新款, 但唯花材唔可以選擇, 網主會當日選購新鮮的花...
睇過佢過去嘅鮮花球, 款式都幾靚.
而我仲意嘅玫瑰花, 佢設計得幾特別...
所以決定order, 其餘襟花會用絲花,
雖然顏色可能會唔同, 但大部份都係紫色為主...
深紫到淺紫, 加粉色如粉紅色...
之於家長應該會用紅色, 長輩比較仲意...係金都order咗...
以下就係收到網主既絲花襟花, 都幾好! 呢啲會俾兄弟姊妹同教會行禮用...
雖然未知花球會係點樣, 但對網主嘅設計有信心...
8月中左右收到相啦!! 
之後又封番好佢地, 或者大日子當日再攞出黎...
soft copy就好有用...因為有好多video, display都用到.
但印帖就可能唔會用...唔想自己個嘜頭最後俾人丟咗...
執完相真係認唔到自己, 化妝加電腦效果真係厲害!!
油畫+大相薄
大相薄內頁+銀包相
出嫁當日, 我一直都想喺酒店, 雖然貴啲, 但一來靚啲, 二來唔想見到屋企人燒野...
話哂個日結婚係大日子, 極度唔想有燒紙燒灰嘅出現...
但屋企有親切感, 可惜樓下對住大街, 無咩地方可以影相, 仲要整路整到明年...
所以都係決定酒店出嫁...
心目中有2間酒店:
荃灣如心酒店 (L'Hotel)
http://www.lhotelhk.com/chi/
新酒店, 近男家, 但交通唔係太方便, 價錢都唔平,....
旺角朗豪酒店 (Langham Place Hotel)
http://hongkong.langhamplacehotels.com/
比較靚既酒店, 好多人揀呢到擺酒同出嫁, 交通方便, 中間位置四通八達
於是約時間睇套房, 係佢地最多人出嫁用....有以下2種:
Facility好好, 又有POOL, 按摩椅, (可能用唔著)又有野食, 間房都好靚...
Sweet Place: 600尺, 有2個Toilets
Residence Place: 600尺, 有1個Toilet, 但有Kitchen...可以煮食
最估唔到價錢同如心一樣, 到最後confirm仲有early-bird優惠, 平過如心....
睇房前一日仲有人打電話黎confirm時間. 相比如心都無人埋我.
睇咗之後都係決定朗豪, 又完成其中一個task....感謝神...好嘢!!
