☆維港旁的約定☆一週年

原來今日係我同Gar仔的訂婚一週年...
時間不知不覺...好似係最近既事咁....

回想起個日Gar仔都係俾咗個好surprised既一晚我....
當日下午突然間話要一齊食晚飯, 我問有特別事嗎? 約得咁急....
佢話想一齊食, 於是佢話就尖沙咀等....

出咗地鐵, 見到佢行埋各黎, 咦???? 點解有花架??
佢話送俾我.....哇! 我好耐無收花啦! 仲要係藍色嘅玫瑰，好靚好特別...
都係第一次...

之後就帶我去咗洲際酒店, 做咩去咁貴既地方?
Gar仔話要食自助餐.....ah? 好貴bor??入到去已經book咗位, 有問題....古古惑惑....

但既然去到當然睇下有咩食....好正呀! (其實有D咩已經忘記)
於是好似平日一樣謝飯祈禱....就係呢個時候, 佢幫我戴咗隻戒指...「你可以嫁俾我嗎?」

「哇! 好呀!」 原來Gar仔同我求婚, 開心到四萬咁合唔埋咀...
於是乎, 由6月1日起, 我男朋友仔成為我的未婚夫....