戒指已經到手啦!
雖然個款唔係獨一無二, 但刻有我地個名同日子...
呢對就係我地既結婚信物...哈哈!!
好期待個日既來臨, 但仲有好多嘢未準備好...好緊張呀!!
要快啲決定加準備好啲details, 要放鬆心情....加油加油!!
職員仲都講咗啲保養tips:
通常你覺得啲石無咁閃係因為有油同灰塵, 所以會無光澤.
處理方法:
最近都無update個blog...上次講到會再去VCA睇, 於是有一晚放工再去.
到達後, 本來想搵返上次個職員, 但好似唔喺到, 其他職員都主動serve我地...
坐底後, 我話想睇多次, 佢都好細心再介紹多次各款式.
我心中有數想要3D, 但Gar仔就心大心細睇緊Signature定New York...
其實心諗2隻都啱佢帶, 連職員都係咁講...
最後睇睇下佢決定要New York, 同3D啲石襯托返...
之後試size, 上次試我係48, Gar仔61...
職員: 「先生, 你應該唔使61噃, 59都應該ok...
我俾幾隻你試下, 但我唔話你知size, 等你自己感覺下...」
Gar仔: 「係? (試上手) 呢隻好似ok噃, (再試) 呢隻好似鬆少少...」
職員: 「61太大, 你唔使61, 會太鬆...你話ok個隻係59, 鬆少少係60.」
Gar仔: 「相差咁遠嘅
職員: 「有時冬天夏天手指大細都有少少分別, 戒指夏天試會好啲...,
小姐48號ok嗎?」
我: 「都ok, 好似47呢隻都可以...」
職員: 「希望唔好介意我咁問, 婚後會唔會考慮生bb?
因為有bb手指可能會脹, 脹咗就好難收細返,
如果有的話, 我會提議你48都ok...
如果萬一真係要改size, 我地都做到, 但到時會有個費用係到...」
我: 「都有諗過, 咁要48...」
原來買婚戒都有咁多嘢要留意....
到最後就係點刻名...我地個名都唔係好長, 5個字, 所以都ok...
New York就有好多位, 所以無問題...
至於3D, 圈環比較細, 只可以刻係石與石之間...
佢提議我地: J&E, 2010 NOV 7
但我地prefer刻對方全名, 因為可能有好多J&E, 想個人化啲...
日子方面, 月份用英文表示會比較清楚...特別係我地呢啲日子, 可以睇成7月11日.
始終位置有限, 佢提議我地俾佢地師傅2個options, 萬一唔得, 可以用第2個...
Option 1: 2010 NOV 7
Option 2: 10 NOV 7
最後收到電話, 可惜Option 1唔得, 用咗Option 2.....
終於完成, 職員話我地size有現貸, 約一個月左右可以拿...太好啦! 感謝神...
因為如果無貸, 可能要等6個月, 要咁耐因為個邊會放暑假...
咁好嘅, 打工都可以放暑假...想買嘅朋友要快啲決定啦!!
話說上次我決定要睇埋VCA先, 之後有日放工去咗尖沙咀1881 Heritage睇...
聽講尖沙咀1881 Heritage個間係最大間, 所以去睇睇...
入到去, 有2個人立即serve我地, 坐底之後, 為我地預備咗暖水...好細心, 讚!...
之後詳細介紹佢地既婚戒, 每一系列既特色同手工, 獨特之處...
我地帶過, 都幾舒服, 平時我地都好少帶戒指, 點都會有啲唔習慣...
但比起Cartier, 佢的確係舒服啲, 因為邊位做得圓滑...
整體我都好滿意, 但Gar仔好似仲心大心細...
我試咗3D同Signature, Gar仔試咗New York同Signature...
如果要揀可能會係Signature...
以下係3 Diamonds(3D), Signature, New York
睇完過咗去隔離Cartier再望下...試多次Cartier加2石...
係好靚但真係好驚唔見啲石, 因為都好貴同婚戒會長戴...提心吊膽...
Gar仔都要試2石, 但個職員話：「男士多數唔戴2石, 通常無石...」
覺得佢無禮貌, 可能係好心提議, 但我地都有選擇權...於是我地就走人...
於是乎我提議買VCA, 我上網做咗啲research同好多blog友都話滿意...
send哂俾Gar仔睇(我都唔知佢有無睇...)
終於有一晚Gar仔親自去research, 佢search完返同我講可以再去睇...
一來佢都係就我想要的, 二來佢睇到有新人post咗3D同New York的婚戒...
咁樣襯都好好睇....
之後我地再找一日去買...好緊張呀!
(相片取自VCA網頁)
www.vancleef-arpels.com
都係時候去買結婚戒指, 究竟買邊間好呢?
有時都有喺啲店舖門口睇下, 例如TSL, 六福, 周生生, etc...
睇過大多數新娘子既blog, 發現仲有好多其他選擇, 最後決定咗去呢幾間睇睇.
Cartier, Van Cleef & Arpels(VCA), Tiffany & Co., Just Diamond, PN
頭3間都係高級品牌, 一於去睇下, 見識下...
有一晚放工, 首先咗金鍾太古廣場, 去咗Tiffany睇...
啲人太忙, 無人黎serve我地, 於是自己去睇下...
啲款式都係簡單, 但未帶上手始終唔知感覺如何...
之後入咗Cartier, 有人立即serve我地, 睇咗佢既婚戒, 好靚, 但都好貴...
有幾款都係我地既心水: Cartier字, LOVE,
Gar仔特別仲意Cartier加2石. 哇!! 好驚唔見啲石...
睇完, 想去我最想睇個間VCA, 咦! 點解無開架???
原來有event, 早咗收舖...噢! 又會咁啱既...好傷心...
跟住出咗銅鑼灣時代睇PN同Just Diamond,
去咗PN, 佢地有好多唔同既婚戒, 但睇到我地花多眼亂...@_@
之後去咗Just Diamond, 去既原因係之前Engagement ring喺個度買...
之前research過佢地有blue diamond系列, made in japan...
整體佢地d款唔多, 但唔係好特別...
暫時黎講, Gar仔特別仲意Cartier加2石, 但我就prefer1石或者無石...
但最想睇埋VCA再決定...點解咁想睇VCA?
因為曾經喺日本同香港Wedding雜誌見過, 最近Eason演唱會都帶過佢既飾物.
有好多新娘子話佢啲婚戒好舒服(呢個係重點), 仲意佢地高貴得黎又唔誇張,
品牌背後仲有個浪漫既愛情故事...
喺外國都好有名氣, 同Cartier係同一集團, 只係香港暫時無咁出名...
所以我決定咗要睇埋VCA先....呵呵呵!
(相片取自Tiffany & Co, Cartier, Just Diamond, PN網頁)
www.cartier.com
www.tiffany.com
www.justgold.cc
www.pn-diamond.com.hk
點解有花架??
