揀相@法國婚紗

補影咗九龍塘室外景之後一星期, 就係揀相既日子.
去之前都參考過一啲blogger的分享, 最起碼會知道佢地點sale你...

Total我地影咗298張相, 都算多...
一開頭睇個時, 未至於"哇"一聲, 但整體啲相都幾靚...
第1 round就揀剩200到...第2 round揀剩150...第3 round揀剩90...
之後就再用心睇...

個人prefer多啲合照, 正面相, 大部份仲意既景會揀多啲...
好少揀側面, 因為唔係太好睇...有啲唔知想點既感覺....哈哈!
Bar枱都好似無咩點揀到, 個景唔係太靚...

我地個plan有38張相, 最後加多30張, 加咁多係因為只會影呢輯.
其實可以的話, 好想影外地, 不過真係好貴, 到時再睇下有無$...

跟住揀油畫, 1張大, 3張中, 2張細畫.
再睇返佢啲油畫, 原本個嗰好似太細, Gar仔想要大啲...加大佢....
然後揀畫框, oh...standard個啲真係揀唔落手...
靚既要加錢,都幾貴..但唔加又好樣衰...最後都係加...

最後到相薄...最最最出血同最頭痛的環節...
佢俾我地2個方案:

      ①每頁一張, 可以入30張 - 價錢平啲, 但個樣好似舊式啲...

      ②Magazine型, 可以入哂所有相, 有師傅幫手排位...
      - 價錢貴啲, 但睇落個形式新啲...我比較仲意呢個...

大家都諗咗好耐...都未可以揸定主意...
其實我有朋友係法國婚紗入面做, 再問佢可唔可以俾個discount黎...
佢見我地都揀咗好多相, 就俾個平少少既價我地, 加送銀包相, 加大相薄...
      
       最後Gar仔問我:「係唔係真係好仲意②?」
       我:「係就係, 但好貴...」
       Gar仔:「仲意就得啦! 揀②啦...」
       我:「真係? 你對我真係好, 錫哂你!」

終於達成共識...買單都真係大出血...

相信好多新娘子都會問: 咁加唔加coating? 好貴bor...
我research過有好多blog友都話好貴, 唔值得做...
一開始我都打算唔做, 但Gar仔家姐話要做,
啲相放一世, 你仲會俾好多人睇, 啲人未必會就住揭, 到時花咗就唔好啦...
諗諗下都係, 既然只係影呢輯, 就整好啲...
到相薄封面, 本身個plan有珍珠封面, 有藍色同黑色, 揀咗我仲意既藍色...XD

走之前當然要記得問佢地攞相版, 揀咗5張, 佢就搵人燒落CD俾我地...
由1點九揀到差唔多5點半, 身心疲累加荷包乾塘...
但要多謝兩位母親大人同Gar仔家姐陪我地去...
之後早啲去食晚飯, 然後歸家休息...

完成揀相任務....8月份有得攞...希望做得好好睇睇...期待中....
之後再同大家分享...