Monday, 20 June 2011

Bobbi Brown Makeup Class (Part 2)

早個輪去埋Bobbi Brown上埋個Part 2 "眼妝&眉妝"


Cheers:

今日因為上返類似上次個妝,雖然已經加咗胭脂,但今日BA姐姐教我有時可以mix胭脂用,
一個淡,一個sharp。不過可能好少會mix胭脂啦,好少會買咁多隻胭脂顏色,唔似得眼影。

Eye Brow:


跟住學畫眉,眉型都好影響成個妝,就算平時只係上少少遮暇同碎粉,無任何眼妝,都會畫下眉。
有時有眉毛過長嘅問題,要自己修又唔係太整齊,所以間唔中都會出去修下,係唔同啲。
首先用同頭髮差唔多色嘅眉粉畫咗先,想啲眉毛定啲,可以加啲眉gel固定下。
因為眉毛過長,所以之前都買咗,希望可以固定下,不過眉gel有啲難用,要多加練習先得啦!

Bronzer:

之後試用埋陰影粉/輪廓粉,我都係第一次用,BA姐姐話我面型同下巴都夠尖,
唔用都可以,但佢話當然都要教埋我啦!
完來陰影粉除咗用喺面同頸之外,如果著底胸衫都可以加,令能線條更深,咁都得,哈哈!

Eye Shadow & Eye Liner:

終於入正題 - 眼妝,平時都係買啲粉色眼影多,深色好少買,驚自己上得唔好,
好似熊貓點算,所以今次有人幫我化,可以一試。用咗灰色,做咗個漸變效果。
mix 眼影都係一個淡,一個sharp,可以其中sharp帶閃,效果會再出啲。
都唔錯,仲可以carry到,如果深藍或黑色,可能就唔得啦,嚇親人。

之後就上眼線,用上佢地出名的眼線液,之前朋友幫我試過,但因為內雙眼皮,無咩效果。
所以眼線都唔使上得太高,主要都係眼睫毛的位置,如果想效果出,用深色眼影打造雙眼皮會好啲。
下眼線都要上,去到眼珠下面就差唔多,因為我下眼睫毛好少,少得可憐,
BA姐姐提議我唔好上下睫毛膏,用眼線效果會好啲。不過影出黎都唔係好睇到....


Mascara:

最後夾上睫毛加上睫毛膏,就完成了。
今次無買任何野,BA姐姐都無hard sell我,只係問返上次底妝用邊隻。

After Workshop:

其實Bobbi Brown啲化妝品都比較平實,返工用都唔錯,
但趁年紀仲用到粉色,我都係仲意粉色多啲,會後生啲。

返到去俾Gar仔望下,佢話都幾好,叫keep到夜晚。

因為平時好少化妝,間中Gar仔都會叫我化下,特別係旅行個時,咁我都會配合下,
我有時都唔知點解旅行個時會有多啲心機打扮,可能可以吃喝玩樂,特別有心機,哈哈!


Sunday, 5 June 2011

☆維港旁的約定☆2週年

本來想慶祝結婚半週年,係5月7日,但實在太近母親節5月8日,
所以都無點慶祝,因為食得太多餐啦!
其實咁啱好耐之前入咗訂婚個日子(係6月1日)落電話calander,
前一日個reminder彈出咗黎,所以心血來潮想出去食飯,
因為都好耐無同老公出面食。

我地去咗來自日本的CoCo壹番屋 Curry House,上年由日本引入香港,
好多人食,等我地都去試下先。



因為早過食飯時間到,仲有好多位,坐底叫野食,
原來有飯量、咖喱辣度可以選擇,幾好。


我地仲轉做套餐有湯同飲品,本來想食雪糕,但太凍,下次先。
呢個就係我個湯,和風雜菜湯,個樣勁似咖啡,味道就麻麻地。


最後叫咗下面的咖哩飯:

吉列豬扒奄列咖喱飯
賣相唔錯,Gar仔叫咗小辣,佢話原來小辣都幾辣。


忌廉雞肉奄列咖喱飯
我唔食得辣,叫咗唔辣,甜甜地,唔錯。


食到好飽,味道唔錯,只是份量對我黎講好似多咗啲,很飽。
但其實都幾貴,一個飯要$60-70大元,唔可以經常食!


Thursday, 2 June 2011

Bobbi Brown Makeup Class (Part 1)

早前約咗學化妝,曾經聽聞Sogo Bobbi Brown的service好唔得,都希望唔好太差。
我當日早咗去到,佢叫我去行一陣先,到時間我再返去,
最後都係要等多30分鐘
終於有人serve我,個BA姐姐都好nice。今日Part 1 係學 "底妝同遮瑕"


Eye Base:
一開始幫我落咗防曬同塵,之後幫我加咗eye cream,
因為眼皮好乾,上次就係買咗佢嘅eye cream,仲未用,但感覺幾好。
我發現原來我對NIVEA支eye cream敏感,用完第二日眼皮腫咗
之前眼皮經常乾同甩皮都可能因為佢,以後都唔會用。

Skin Base:
因為我係油性皮膚,極容易出油,BA姐姐suggest我要用補濕moisturizer先,
再用控油,效果會好好多。
控油用咗Oil control 15spf,我覺得感覺幾爽,但15度又真係低咗啲。

Foundation & Concealer:
開始上妝,佢幫我用咗Eye Corrector同新出的Eye Concealer duo。
原來Bobbi Brown係上咗Concealer先,因為佢地認為只要用咗遮瑕,都可以立即出街。
跟住用咗 Moisture Foundation,佢用掃上,真係好薄好貼,無手指印。
之後再用上Face Concealer,呢支都係我上次有買到,
好多朋友都話Bobbi Brown遮瑕好用,佢夠多色同好專業,
每部分都有自己的遮瑕,不過要一次過買咁多隻好似好貴。

Powder:

最後用Pressed powder定妝,有25度防曬,好少少,唔用碎粉係因為無防曬同無遮瑕。
仲以為完成,BA姐姐話要用埋Cheers Blush先叫完成,因為化妝都係想面色好,
要用胭脂先做到好面色,好似用咗真係好好多,因為平時好少用。

Important Points:

我發覺BA姐姐大部分時間上妝都用掃,佢話用掃上個貼薄度係好過用手指尖。
但佢啲掃真係好貴,不過我聽佢話一套專業掃用到十年,之前攪咗個洗掃event,
有客人帶咗佢十年前買的掃,佢都好驚訝仲keep得幾好。最後都係買咗。

After Workshop:

學完之後,我唔記得揾個位影底個妝,但我有留意個妝。
過咗一個鐘,都仲幾好,唔會好出油。兩三個鐘之後,都仲ok。
再之後就唔可以作準,因為唔記得攞返啲野,要急急腳跑去,一跑就好易出汗,咩都容哂啦!


基本上因為個妝好薄,但都有一定的遮瑕,所以都好滿意。 下次會學眼妝,好期待。


 同場加影:做咗會員之後,生日月份會收到張生日咭,仲會送lip gloss俾你。
最初以為係一包包sample,原來係一支裝。好正呀!