週末執屋時，突然間諗起之前收到日本同事既結婚禮物，
好似係個好靚既化妝袋，
因為我記得連Gar仔(平時都唔會同我睇女仔野)都話好靚，
於是即刻去搵返出黎....
e！睇清楚原來係bag in bag(袋中袋)，裡面仲有好多格，
好在之前無買，只係買咗Cosmo個Agnes B Smart Bag。
睇真啲呢個花紋簡簡單單，膠表面就唔會咁易污穢，真係啱哂我。
除咗bag in bag之外，仲有一條好靚既圍裙，日本人真係好細心...
大家既喜好都一樣
之前去日本都見過Afternoon Tea呢個品牌，好多簡簡單單既日常生活用品，
好受各位女生歡迎....
同場仲有2位日本男同事既禮物，好重手。
原來係cookbook，日本既cookbook好精美，好colourful...
雖然唔係完全識睇哂，大約意思都明白既...哈哈!
其實cookbook都係其中一樣幾好既結婚禮物，我覺得幾有用，
新婚有自己家庭一定有機會煮飯，估唔到男士們都係幾細心，
定係呢啲係日本指定送既結婚禮物?
真係好多謝我呢幾位日本同事，佢地仲係特等黎香港參加我地既婚禮。
其實仲有收到好多唔同既禮物，真係介紹唔哂。
而其中好仲意表妹送既結婚蛋糕，我知表妹親手做俾我，好靚好cute。
因為都幾大個，唔會當日先俾，一早就送咗俾我，一於用來做decoration。
蛋糕個出鏡率都好高，朋友仔仲以為係買既添...表妹既手工...掂呀！多謝你呀！！
