花車のBooking

終於都book咗花車啦!!
book花車都算係幾頭痛既事, 如果租車有問題上黎我覺得好麻煩...
因為睇過網上既comment同有朋友試過中招(係外國讀書時普通租用)

之前去過婚紗展睇過, 又上網research過, 有以下幾間既資料:

• 勞斯萊斯
  親身去婚紗展問過, 但實在太貴...
  
  


• 銀禧
  親身去婚紗展問過, 但評語麻麻
  
  


• One Life One Wedding
  朋友用過, 有電話連絡過, 想睇車但好多時都時間唔合, 最後佢都無follow up...
  
  


• Dream Wedding Service
  網上research見到, 評語都幾好, 去過佢website睇過, 都好清楚同感覺可靠..
  最特別佢地車牌係1312(一心一意), 好適合結婚用.
  加上有評語話連絡人劉生好nice, 於是電話約睇車....

當日見面同睇車, 1312車牌既四眼仔, keep得幾新,
見到劉生, 果然幾nice, 有問必答...
車廂內部都keep得好乾淨, 佢話剛剛有其他人用完, 每次用之前都會清潔先...
感恩大日子當日仲未有booking, so far印象都好好, 決定book佢地....

可惜我對香港交通路面始終唔熟識, 無機會揸車練習下...
有次有朋友用甲蟲車親自接新娘子到男家, 好sweet呀!!
如果我之前喺澳洲既Echo喺香港就好啦,
雖然車仔細細, 但同佢好有感情, 好懷念...(發夢中.......)

喺香港都見過有Echo, 但三門就好似無, 通常五門...

姊妹の召募

最近真係好忙, 好耐都無update個blog...但其實我做咗好多野, 未有時間寫底...
當婚期越來越近時, 突然間覺得真係多咗好多嘢要做...
要詳細深入諗下啲details, 要做咩, 想點做!
當然自己一個人係做唔到, 係時候要召募一班姊妹幫手...^^
問過Gar仔意見, 最後決定8個...其實都幾多人...
由中學同學, 澳洲教會朋友加表妹組成...早幾星期就約咗出黎見面...
見面之前準備咗以下項目:

• 姊妹會議
  搵咗個日期時間大家都可以出席, 地點交通方便,
  可以圍埋一齊, 適合大班人既餐廳...
  揀咗一晚一齊食飯, 介紹下大家...
  始終大家都唔識, 第一次都好自然咁只係同識得既朋友講話...
  希望之後大家可以熟絡, 成為朋友...
  
  


• 大日子的rundown
  Rundown係最多嘢諗, 因為自己又未做過姊妹, 唯有靠聽朋友講返佢地既經驗...
  Rundown既表達方式都有好多...點樣show先係最清楚...
  真係要參考有wedding planning經驗既朋友意見...
  
  


• 姊妹們的工作
  大約有以下:
  遊戲, 敬茶, 計時(跟schedule), 保管財物, 禮服, 用具等...點算工作
  接待迎賓, 佈置, 照顧新娘當日需要....
  當日大家都ok, 太好啦!!
  
  


• Research姊妹裙同實地考察
  由於想姊妹們有統一的服裝, 會為佢地預備姊妹裙...
  做咗好多research, 睇咗好多人既comments...
  既然時間唔多, 開會當然約埋時間去做姊妹裙...
  所以list底自己既要求, 鎖定去睇邊幾間, 實地考察下啲裙款,質地同價錢...
  等姊妹們可以約埋一次過一齊去揀, 慳返時間...