法國婚紗La Mer Video

話說上次可以去攞法國婚紗La Mer隻DVD...
俾咗Gar仔先, 佢就可以燒隻copy俾我...
因為好心急想睇, Gar仔就當晚轉做mp4 send俾我睇先...

Wow!! 邊睇邊笑呀!!
都影得我ok, 可能個日個化妝真係幾靚...
當然有d位我笑得太厲害, 就無咁好睇...
如果個日可以再自然d就好啦!!
不過算係幾好, 始終係第一次影婚紗相...

我地都打算大日子當日係酒樓播俾大家睇...
希望同大家分享我地影婚紗相的有趣情形同開心時刻...
亦都係我地一個難忘回憶...嘻嘻!!

型「格」設計打造高清生活

終於買咗電腦啦!! 本來之前問:究竟買Sony NW25好定CW15好？
後來都係打算唔買,想慳D用黎結婚..., 因為仲用得....
點知有一晚HP弟弟突然間開機個mon無野睇....但有反應....好似有入Window...
之前一晚用都無事....第日就變成咁, 係咪天氣凍到個mon都short咗.....
 
我本身好想換咗個OS.....Vista真係好唔掂....
之前D Account crash咗,攪到msn都上唔到,
每次開機重裝先用到,已經打算揾日format佢
點知...以家連隻老鼠仔都short咗..入咗新電都唔得....T_T
第二晚連個mon都short埋...發生咩事呀!!
 
由於HP弟弟係tablet notebook+touch screen+個頭轉得...
俾人整係一定好貴, 仲要唔係個個識, 好可能要返HP整...唔知要整到幾時....
 
剛剛公司Annual Dinner我又抽到獎...豐澤$2000禮卷...
我唔想無限期無電腦用, 加上有好多野要上網整, 最後...
我決定去帶Sony妹妹返屋企....
 
星期日去咗時代買, 連禮卷都無用到, 因為我買個部連Sony專門店都已經無貨...
百老匯同豐澤都無....我係時代D細鋪先買到....最後一部白色...
 
索尼妹(EB17)係2010年2月尾出品, 新model...多媒體家居享受...
本來都有諗過買1月出的S115, 同價, 細D但無Blu Ray Drive....
但我好少帶出街, 所以買15.5"mon可以睇得開心D....仲有Full HD 高清...

水晶方格漸層設計 & Mouse pad

配備獨立數字鍵，方便輸入數字

http://www.sonystyle.com.hk/ss/product/vaio/eb17/index.jsp

Happy 7th Anniversary :D

不知不覺已經7週年紀念...係結婚前最後一個拍拖週年紀念.
當初以為會普普通通一齊食餐飯..估唔到gar仔都好叻仲俾我surpries添...*^^*

話說前一日我地請咗假去補影埋法國婚紗園林景,但下午才去...
上午當然爭取瞓得幾多得幾多...差唔多11點,電話響了...原來係gar仔,問我想去邊度食...
最後揀咗帝宛酒店自助餐,價錢ok,openrice仲有discount...好嘢!!

補影完婚紗相第2日我地都要返工,夜晚就去食自助餐...

<驚>
下午做緊野,因為technical原因將客人個record delete咗...+_+!!
點算呀....無辦法唯有話俾經理知...過我經理好好人,最後同日本總公司的同事問下,
應該可以再做一次...

喺擔心的情況下,突然收到reception阿姐電話:「出黎reception一陣,有野俾你...」
咩話?有野俾我?俾咩野我?
心想:我最近無訂野...平時有信阿姐會幫忙送入黎...究竟俾咩野我?
好驚咁一邊出去,一邊祈禱,求主保守....出到去...

<喜>
原來係玫瑰花,真係好又驚又喜....
reception阿姐問:「好靚呀!係唔係你個名呀!快d簽收啦!」
真係我的名,簽收?寫咩呀?個人突然唔係好function...簽名個陣仲手震震...:D
跟住就開始笑到合唔埋個咀...要返埋位會經過其他dept,好揚...
reception阿姐好好開咗對面的門俾我,個邊差唔多直達我個位...好呀!!

返到去,只有我後面同隔離個同事見到...我就急急腳收埋佢...(面都紅哂!)
噢!後面同事開始問...我就話佢知今日係拍拖7週年紀念...
個咀繼續笑到合唔埋,太突然但勁開心...
之後send咗sms俾gar仔多謝佢...佢後來回覆問我合埋咗個咀未~-~(又笑爆咀)

感謝主,之前delete咗個record最後攪掂咗.
放工時我後面同事"護送"我,隔離後面個同事先到我,仲問我「你攞住D咩?」
我無埋佢就急急腳走咗......我係第一次喺公司收花,所以好驚,但又好開心

之後就約咗gar仔食自助餐...將下午既事講俾佢知...哈哈哈!!
自助餐都幾好味!!我地都食得好飽...
食完就行返去尖沙咀間法國婚紗攞video...好緊張呀!唔知影成點呢? (下次再分享)

之後就各自各帶住開心滿意咁返屋企...^^
好期待下年4月13日,係婚後第一個拍拖週年紀念...

週年記念!!

時間不知不覺.........

2010年的受難節

曾經有人問我,你點樣睇復活節...當時的我話好好,可以放假...
但原來二千多年前,耶穌為我們做好多野, 甚至擺上生命,讓我們得平安,得醫治...

今日....係記念耶穌的受難節,聽返呢首歌,remind我耶穌係點樣為我們付出...
使我們有真正的平安.

耶穌　誠然擔當我們的憂患　背負我們痛苦
耶穌　為我們的過犯受害　為我們的罪孽壓傷
因你受的刑罰我們得平安
因你受的鞭傷我們得醫治 完全得醫治
感謝耶穌　我的救主　我得平安　我得醫治
我的耶穌　愛我的主　你的恩典　深觸我心

他誠然擔當我們的憂患、背負我們的痛苦．我們卻以為他受責罰、被　神擊打苦待了。 
那知他為我們的過犯受害、為我們的罪孽壓傷．因他受的刑罰我們得平安．因他受的鞭傷我們得醫治。
(以賽亞書53:4-5)