不知不覺已經1個月....

今日已經12月7日，不知不覺已經一個月，時間真係過得好快。
已經成為陳太，感覺好有趣，其實都仲未適應人地稱呼我做陳太。

回想起出嫁前一晚，真係有好多野都未安排好，
好似打仗一樣，好多野執，好多野，連人名單有好多都未confirmed，
好多last minute先話唔黎，真係好唔開心。

好似一早安排好哂，但最後先埋門一腳，有好多改動...
Anyway，已成過去。希望各位準新娘子要好好準備...

整體當日rundown都幾好，始終我未做過姊妹，都唔sure當日程序...
多得朋友們幫助，提供好多意見。
我問番我既統籌，佢都話我既rundown做得幾好，好清楚...Yeah!!
只要跟住做就無問題。

當日基本上朝早同下午都無over-run
但係喺酒樓就....因為本身我行禮因場地要3點幾先可以開始，所以都會比較遲到酒樓，喺酒樓又有好多人同我地影相，加上我敬茶既親友遲咗成個鍾頭...
我都好無奈，無辦法....

而之後既安排都可以順利進行。
我個統籌話佢結婚可能可以用番我個rundown改下就ok....太好啦!

遲下再分享當日情況啦!

明天我要嫁給你啦!!!!!

這星期極度忙, 實在有太多野未完全準備好....但都可以啦!!

多得哥哥返黎香港幫手, 可以同我去唔同地方攞野...

明天, 就嫁人啦!!!  有D開始唔捨得屋企人, 但又好期待新婚日子, ....心情....

好緊張....希望可以訓得好....求主保守明天一切...

倒數.....最後7日...

仲有7日, 就係大日子....
最想知道就係當日天氣如何.....因為呢幾日真係幾凍....

終於....今日...天氣預告出咗啦!!

20-24度, 部份時間有陽光....最緊要唔好落雨....

求天父爸爸保守...

花車佈置のBooking

本來打算DIY車頭公仔，但呢個task實在要用好多時間，
如果當初早啲開工，或者可以嘅。
所以公仔身體只係做咗一個，或者佢會成為結婚一週年的公仔。

所以最後都係買，既然買，Gar仔話要大口仔，
呢一年唔知點解佢對大口仔特別情有獨鐘，所以順佢意買大口仔，揀中式個隻。

未買之前，去咗金都買父母襟花，
去到揀襟花的同時，見到有個中式大口仔佈置好靚呀，好shape！
於是問下幾錢，都唔平。
但個效果真係好正，紅色襯中式大口仔真係好靚。
於是電話仔問佢可唔可以，佢話ok。好嘢！

就係咁，大口仔就嚟咗我地屋企。大日子當日要同佢影多啲相。

車頭佈置，車門，車尾。大家覺得好睇嗎？

父母襟花 + 伴娘花球

遲來的颱風....鮎魚

當大家以為無八號波嘅2010年就快踏入秋冬季的時候，
邊個會諗到仲有個「超強颱風」係十月尾嘅時間吹到香港，
仲撞正好多人結婚嘅週末。
如果打成都真係好無奈，一生人一次的婚禮可能要延期。
除了連絡賓客，仲有好多準備好的都可能要取消。

像今個星期日我都有朋友結婚，
facebook上都有好多朋友仔為佢地禱告，希望唔會影響婚禮。

神真的會聽禱告，星期五晚已經吹離香港，都唔係落好大雨。Praise the Lord!
今次可以話係第二次體驗神改變大自然的經歷。
今年5月23號全球禱告日都係話落雨，但最後之前個晚落哂，
日間天氣好舒服，禱告日順利舉行...

都希望在我大日子當日有好的天氣，一切順利。
願主祝福帶領妹妹同Gar仔。Yeah！

DIYのWelcome Board

其實係網上research咗好多好靚既結婚用品。
真係花多眼亂...但有啲真係好特別，好有心思。
去過啲日本網站，好多都有Welcome Board做display。
所以一直都想做番個...但未諗到個design...

有次去Sogo旭屋書店睇野，見到有本書介紹捲花，
咁啱佢有個圖係Welcome Board，好靚呀!
但當時無買到，因為唔係太識捲花，返去research下先。
之後上網搵到個香港人整既捲花網站，好詳細介紹...
仲有佢既作品，真係好厲害。
於是去咗搵佢，佢好nice，幫佢買咗啲用具同紙。
原來平時用既A4紙係唔得o家，因為太輕，要用120gsm既紙先ok。

有材料，應該唔會太難整...跟手買埋本書學。
書中仲有好多唔同既設計，好厲害。
以下就係書中既作品，被深深吸引了...

以下材料準備好...
ikea畫框，捲花筆，郵票夾，細直身修眉剪刀，白膠漿，顏色紙，碎紙機，
間尺(唔見咗，用cut紙機代替)

用碎紙機碎出3mm嘅紙

cut好size之後，捲呀捲...

捲好貼實，做出唔同形狀。

完成後一個一個貼上去，就變成一個一個好靚嘅花朵。

呢個就係我個完成品啦!

用咗粉紅色加紫色做花，因為我個裱框係白色，再用白色花可能睇唔到。

希望大日子當日放喺reception。

仲有好多好靚嘅捲花作品...

搬搬搬...搬到新屋去

星期日剛剛搬完屋，呢個係成個結婚計劃當中一個大task。
因為我都有好多野...之前係外國生活都知道...
不過今次好好多，無大型家具...始終係自己屋企，幾時返嚟都可以。
其實只係搬咗大部份野去，日常用的都仲要喺屋企用。

多謝Gar仔星期四嚟幫我執野，如果自己攪，唔知幾時先攪完。
但佢又太遲call車啦! 星期六晚同我講仲未call到。
咩話?? 咁仲搬唔搬呀?
Gar仔: 搬...一定call到車。

星期日朝再電話Gar仔，感謝主，有車，10點半到。
9點半左右Gar仔到達，幫手攞啲野落樓。
真係好多野.....

個司機都幾準時，到達後搬哂啲野上車，男士的確大力好多。
搬哂就出發到新屋，咁樣租車搬野又過海都係用咗$130左右
(連隧道費，停車場費)。
Gar仔話仲平過搭的士...哈哈!!